Naśledny prync Saudaŭskaj Aravii Muchamied bien Sałman Al Saud staŭ «Čałaviekam hoda — 2017» pa vynikach anłajn-hałasavańnia, praviedzienaha siarod čytačoŭ časopisa Time. Za 32-hadovaha prynca prahałasavali 24% aŭdytoryi, paviedamlaje aficyjny sajt vydańnia.
Na druhim miescy ź vialikim adryvam (usiaho 6% hałasoŭ) apynulisia karystalniki sacsietak, jakija stali achviarami damahańniaŭ i padzialilisia raspoviedam pra heta ŭ ramkach interniet-kampanii #MeToo («Ja taksama»).
Treciaje miesca z vynikam u 5% hałasoŭ padzialili hulec u amierykanski futboł Kolin Kapiernik, śpiecprakuror ZŠA pa tak zvanaj «rasijskaj spravie» Robiert Miuler i sacyjalnaja hrupa, prazvanaja «Dreamer» (dzieci nielehalnych imihrantaŭ, pryviezienyja baćkami ŭ ZŠA).
Naśledny prync Saudaŭskaj Aravii Muchamied bien Sałman Al Saud staŭ spadčynnym pryncam u červieni 2017-ha - karol pieradaŭ jamu tytuł, zabraŭšy jaho ŭ plamieńnika Muchamada ibn Naifa. U pačatku listapada Muchamied byŭ pryznačany kiraŭnikom antykarupcyjnaha kamiteta. Paśla hetaha ŭ krainie pačalisia masavyja aryšty pradstaŭnikoŭ miascovaj elity.
U noč na 5 listapada kamitet pastanaviŭ zatrymać 11 pryncaŭ i kala 30 byłych i dziejučych ministraŭ i pradprymalnikaŭ. Im byli pradjaŭlenyja abvinavačvańni ŭ atrymańni chabaraŭ i admyvańni hrašovych srodkaŭ. Bolšaść zatrymanych pahadzilisia na dasudovaje ŭrehulavańnie, jakoje praduhledžvaje nacyjanalizacyju častki ich majomaści. Na hetym kraina zarabiła 100 młrd dalaraŭ.
6 śniežnia časopis abvieścić «Čałavieka hoda» pa viersii redakcyi.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary