Paśla taho jak eks-prezident Hruzii Michaił Saakašvili źbieh ź mikraaŭtobusa z pravaachoŭnikami, jon znachodzicca ŭ statusie ŭciekača z-pad varty. Pra heta paviedamiŭ u aŭtorak z trybuny Viarchoŭnaj Rady hienieralny prakuror Juryj Łucenka, piša «Ukrainskaja praŭda».
Pavodle słovaŭ Łucenki, hetaja akaličnaść paŭpłyvaje na abrańnie zachadu strymańnia eks-prezidentu Hruzii.
«Heta stavić pad sumnieŭ mahčymaść zaŭtra ci ŭ nastupnyja dni paśla vystaŭleńnia abvinavačańnia prapanavać jamu chatni aryšt. My budziem pra heta mocna dumać», — padkreśliŭ hienprakuror.
«Praz 24 hadziny ŭsia pravaachoŭnaja sistema Ukrainy zrobić usio nieabchodnaje, kab apatryd Saakašvili paŭstaŭ pierad śledčym dla vystaŭleńnia abvinavačańnia, a potym — u sudzie», — zajaviŭ kiraŭnik ukrainskaj prakuratury.
«Liču, što asabisty prychod Saakašvili da śledčaha SBU zaŭtra a 9.00 na vulicu Varoŭskaha pazbavić krainu ad lišnich uzrušeńniaŭ», — padkreśliŭ hienprakuror.
Raniej siońnia eks-prezidenta Hruzii i byłoha kiraŭnika Adeskaj abłasnoj administracyi Michaiła Saakašvili, jakoha ranicaju zatrymali ŭ centry Kijeva, prychilniki vyciahnuli z mašyny milicyi, paviedamlaje «Ukrainskaja praŭda».
Aktyvisty raźbili šyby i vyciahnuli jaho z zadnich dźviarej.
Ludzi kryčeli «Miša». Saakašvili vystupiŭ na schodach da kaścioła. Vakoł sabralisia kala tysiačy čałaviek. zatym prychilniki ŭziali Saakašvili ŭ koła i paviali ŭ parłamient. Kala jahonych muroŭ adbyŭsia mitynh, u jakim ŭziali ŭdzieł kala 500 čałaviek. Pobač ź mitynhoŭcami znachodziłasia niekalki mašyn Nachvardyi, adnak jany nie pieraškadžali vystupoŭcam i ŭdzielnikam.
Spačatku Saakašvili zajšoŭ u ofis svajho «Ruchu novych sił» na Muziejnym zavułku. Ale jaho adcisnuŭ natoŭp ludziej. Jon pabyŭ tam niekalki chvilin pabyŭ sa svaimi prychilnikami. Dalej natoŭp pajšoŭ da parłamienta.
Ranicaj aŭtorka stała viadoma, što siłaviki sprabujuć uzłamać dźviery kvatery Saakašvili. Rabotniki Hienprakuratury Ukrainy i śpiecpadraździaleńnie «Alfa» pryjšli da jaho ŭ ramkach spravy ŭ dačynieńni da byłych ukrainskich palitykaŭ-uciekačoŭ. Sam Saakašvili zalez na dach. Jaho adtul zabrali i zatrymali.
Pa dadzienych SBU, eks-kiraŭniku Hruzii inkryminujuć parušeńnie pa č 1. artykuła 256 — sadziejničańnie ŭdzielnikam złačynnych arhanizacyj i ŭtojvańnie ich złačynnaj dziejnaści.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary