Rasijskaj zbornaj budzie dazvolena ŭdzielničać u zimovaj Alimpijadzie ŭ karejskim Pchiončchanie tolki ŭ niejtralnym statusie — tym atletam, jakija nie byli zaŭvažanyja ŭ dopinhu — i biez nacyjanalnaha ściaha, himna i biez paznakaŭ «Rasija» na formie i atrybutycy, paviedamiŭ Mižnarodny Alimpijski Kamitet.
Siabroŭstva Rasijskaha Alimpijskaha Kamitetu ŭ MAK prypynienaje — paviedamiŭ Prezident MAK Tomas Bach.
Jak paviedamlaje TASS, rasijskamu vice-premjeru Vitaliju Mutko i byłomu namieśniku ministra sporta Andreju Nahornych budzie pažyćciova zabaroniena naviedvać Alimpijady. A Rasija pavinna budzie vypłacić štraf za dopinh-afioru u pamiery $15 młn dalaraŭ. Hetyja srodki buduć vykarystanyja na stvareńnie novaha niezaležnaha orhana antydopinhavaha testavańnia.
MAK moža častkova abo całkam źniać dyskvalifikacyju paśla pačatku cyrymonii zakryćcia Alimpijskich zimovych hulniaŭ 2018 hoda. Pry hetym asnoŭnaja ŭmova dla hetaha — vykanańnie da hetaha terminu ŭsich patrabavańniaŭ MAK, paviedamlaje RBK.
Prezident MAK Tomas Bach prynies prabačeńni ŭsim spartoŭcam, jakija nie byli zaŭvažanyja ŭ dopinh-praktykach, i abvieściŭ što padčas alimpijady adbudziecca asobnaja cyrymonija ŭznaharodžańnia tych spartoŭcaŭ, jakim miedali dastalisia ŭ vyniku dyskvalifikacyi dapinhavanych atletaŭ.
Bach abvierh paviedamleńnie «Pieršaha kanała» pra toje, što rasijskaj delehacyi nie dali słova na pasiadžeńni MAK. Jon skazaŭ, što prezident rasijskaha Alimpijskaha Kamitetu padčas pasiadžeńnia prynios svaje prabačeńni.
Dahetul za dopinh-afioru na Alimpijadzie-2014 u Sočy Rasija pazbaŭlenaja ŭžo 11 zdabytych tam dapinhavanych miedaloŭ.
Apytanka
***
Na telehram-kanał «Našaj Nivy» možna padpisacca tut.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary