Anžalika Borys, staršyńka niepryznanaha ŭładaju Sajuza palakaŭ Biełarusi, siońnia sustrakajecca z premjer-ministram Polščy Donaldam Tuskam.
Jak paviedamli ŭ kancylaryi premjera, sustreča adbudziecca pa inicyjatyvie kiraŭnika polskaha ŭradu. Pakul adnak ni padrabiaznaści sustrečy, ni tema pieramovaŭ nie aśviatlajucca. Sama Anželika Borys, jakaja užo pryjechała ŭ Polšču, taksama padćvierdziła, što inicyjatyva sustrečy sychodzić ad premjer-ministra Polščy.
Vidavočna, baki abmiarkujuć situacyju, jakaja skłałasia paśla apošniaha źjezdu Sajuza palakaŭ Biełarusi, jaki prachodziŭ u Hrodna ŭ minułuju niadzielu. Pastanovaj rady arhanizacyi stała rašieńnie, što Sajuz palakaŭ hatovy da kanstrukcyjnaha supracoŭnictva z uładami, nakiravanaha pierš za ŭsio na lehalizacyju arhanizacyi i jaje dziaržaŭnuju rehistracyju.
