Ad pačatku śniežnia z efiru telekanała «NTV-Biełaruś» całkam źnikła rasijskaje tok-šou «Miesca sustrečy»
Viadučyja Volha Białova i Andrej Norkin.
Prapahandysckaja prahrama «Miesca sustrečy» bieśpieraškodna tranślavałasia ŭ Biełarusi da taho momantu, pakul našaja kraina nie trapiła ŭ tamtejšy fokus hnievu.
U pryvatnaści, u adnym z apošnich listapadaŭskich vypuskaŭ prahramu pryśviacili vynikam samitu Uschodniaha partniorstva. Na zapis byŭ zaprošany biełaruski palityk Andrej Dźmitryjeŭ. «Ci vystaić SND pad naciskam Zachadu?» — razvažali hości. Dastałosia ŭ prahramie i Alaksandru Łukašenku, i ministru zamiežnych spraŭ Uładzimiru Makieju, i Biełarusi jak takoj.
«Miesca sustrečy» vychodziła ŭ efir ŭ abiedzienny čas. Prahrama była pryśviečana mižnarodnaj palitycy. «Čamu zachodnija krainy nie pryznajuć pieramohu Rasii ŭ Siryi?», «Ukraina suprać Jeŭropy. Jak Kijeŭ pazbaŭlajecca ad nacyjanalnych mienšaściaŭ?». «Jak Barak Abama pasłaŭ Donaldu Trampu čornuju paznaku?» — nazvy papiarednich vypuskaŭ tok-šou.
Biełarusy jaho bolš nie ŭbačać. Zamiest «Miesca sustrečy» pa «NTV-Biełaruś» ciapier pakazvajuć sieryjał «PPS».
U Biełteleradyjokampanii, u strukturu jakoj uvachodzić «NTV-Biełaruś», nie tłumačać, z čym źviazanaje źmieny ŭ efiry.
Nahadajem, užo nie pieršaja prykmieta pikiroŭki biełaruskaha ideałahičnaha aparata i rasijskich ŚMI. Tak, ANT prybrała ź dzionnaha pakazu prapahandysckuju pieradaču «Čas pakaža», pastaviŭšy jaje na načny čas.
Karykatura «Sovietskoj Biełoruśsii» na tok-šou «Miesca sustrečy» ad NTV
