Urad Małdovy uchvaliŭ zakonaprajekt ab źmienie nazvy aficyjnaj movy z małdaŭskaj na rumynskuju. Adpaviednyja źmieny buduć uniesieny ŭ Kanstytucyju krainy, paviedamlaje Publika TV.
Pa dadzienych telekanała, fraza «małdaŭskaja mova, jakaja funkcyjanuje na asnovie łacinskaj hrafiki» budzie zamieniena na słovazłučeńnie «rumynskaja mova». Nichto z členaŭ urada nie vykazaŭsia suprać hetaj inicyjatyvy.
U kancy kastryčnika prezident Małdovy Ihar Dadon paličyŭ «niedapuščalnaj» źmienu nazvy aficyjnaj movy. Kiraŭnik krainy taksama vykazvaŭ upeŭnienaść, što inicyjatyva nie nabiare 67 hałasoŭ dla pryniaćcia ŭ parłamiencie.
Taksama papraŭki da Kanstytucyi ŭchvaliŭ u kancy kastryčnika Kanstytucyjny sud Małdovy. Rašeńnie było pryniata na asnovie tekstu Dekłaracyi ab niezaležnaści Małdovy, dzie rumynskaja mova nazvana ŭ jakaści dziaržaŭnaj. Hety dakumient pieravažaje nad Kanstytucyjaj krainy, dzie ŭkazana małdaŭskaja mova.
