Livanskaja palicyja aryštavała mužčynu, padazravanaha ŭ zhvałtavańni i zabojstvie supracoŭnicy ambasady Vialikabrytanii Rebieki Dajks. Im akazaŭsia miascovy taksist, paviedamlaje ahienctva Reuters sa spasyłkaj na krynicu ŭ śpiecsłužbach Livana.
Papiaredniaje śledstva pakazvaje, što złačynstva nie źviazana z palitykaj ci prafiesijnymi abaviazkami 30-hadovaj Dajks.
Cieła žančyny było znojdziena kala adnoj šašy. Ekśpiertyza vyjaviła, što Dajks zhvałtavali, a potym zadušyli.
Viadoma, što ŭ piatnicu, 15 śniežnia, brytanka razam ź siabroŭkaj pakinuli bar u rajonie Hiemajzie. Dajks źbirałasia krychu raniej viarnucca dadomu, kab ranicaj paśpieć na samalot, jaki vylataje ŭ Łondan: jana raźličvała patrapić da rodnych na Kalady. Praz karotki čas žančyna raźvitałasia ź siabroŭkaj, a što ź joj zdaryłasia dalej, dva dni było nieviadoma, raskazvaje Telegraph.
U Biejrucie Dajks sa studzienia 2017 hady pracavała mieniedžaram pa prahramach i palitycy Departamienta mižnarodnaha raźvićcia Vialikabrytanii. Da hetaha jana pracavała ŭ brytanskich dyppradstaŭnictvach u Livii i Iraku.
***
Kamientary