Pryniaty dekret, jaki dazvalaje pašyrać i rekanstrujavać praduhledžanaje pad znos žyllo
Kiraŭnik dziaržavy Alaksandr Łukašenka 26 śniežnia padpisaŭ dekret №463 «Ab udaskanaleńni paradku adabrańnia i pradastaŭleńnia ziamielnych učastkaŭ», paviedamlaje Biełta. Dekret praduhledžvaje admienu zabarony na pašyreńnie i rekanstrukcyju žyłych abjektaŭ, pryznačanych pad znos.
Z hetaha času da pryniaćcia rašeńnia ab kanfiskacyi ziamielnych učastkaŭ dla dziaržaŭnych patreb hramadzianie buduć mieć prava rekanstrujavać žyłyja damy, što im naležać, z pavieličeńniem ich płoščy, a taksama ŭzvodzić haspadarčyja pabudovy na prydamavoj terytoryi navat u tych vypadkach, kali horadabudaŭničaj dakumientacyjaj namiečany znos siadzibnaj žyłoj zabudovy.
Raspracoŭka prajekta adviadzieńnia ziamielnaha ŭčastka i ŭstalavańnie jaho miažy na miascovaści buduć pravodzicca ŭ ramkach adzinaj pracedury, što paspryjaje skaračeńniu terminaŭ pradastaŭleńnia ziamielnych učastkaŭ.
Arhanizacyi, jakija ažyćciaŭlajuć ekspłuatacyju žyllovaha fondu, nadzialajucca pravam da 1 studzienia 2023 hoda vykarystoŭvać pradastaŭlenyja im raniej ziamielnyja ŭčastki biez afarmleńnia dakumientaŭ, što zaśviedčvajuć prava na ich.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary