Soniečnyja paneli z žyvych cyjanabakteryj nadrukavali na zvyčajnym pryntary
Cyjanabakteryi žyvuć na Ziamli kala miljarda hadoŭ i ŭmiejuć vyrablać dla siabie ježu z dapamohaj fotasintezu. Jany pahłynajuć śviatło, pieratvarajučy jaho ŭ enierhiju. Hetuju ich zdolnaść vyrašyli vykarystać navukoŭcy dla stvareńnia maleńkich soniečnych bijapanelaŭ, zdolnych siłkavać nievialikija pryłady, paviedamlaje partał futurism.com.
Spačatku z hetych mikraarhanizmaŭ zrabili «žyvoje» čarniła, jakim možna drukavać z dapamohaj zvyčajnaha pryntara. Cyjanabakteryi nie tolki zmahli vyžyć u pracesie druku, ale i nieŭzabavie pačali vyrablać elektryčnaść.
Pra toje, kab zamianić drukavanym «žyvym» čarniłam zvyčajnyja soniečnyja paneli, havorki nie idzie, ale takija bijapaneli možna vykarystoŭvać dla siłkavańnia maleńkich hadžetaŭ, jakija nie patrabujuć vialikaj kolkaści enierhii.
Dla ich vytvorčaści nie patrabujecca darahich materyjałaŭ i technałohij, jany mohuć być adnarazovymi, pracavać u ciemry, vypracoŭvajučy elektryčnaść z malekuł, jakija ŭtvarylisia na śviatle, a jašče takija «batarejki» hnijuć, tamu ich možna vykarystoŭvać biez škody dla navakolnaha asiarodździa.
U jakaści adnaho z varyjantaŭ prymianieńnia raspracoŭščyki prapanavali zabiaśpiečvać takimi panelami bijasensary dla manitorynhu ŭzroŭniu cukru ŭ kryvi pacyjentaŭ z dyjabietam: dla hetych metaŭ chopić nievialikaha arkuša soniečnaj bijapaneli pamieram z dałoń.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
Kamientary