Jak paviedamiŭ «My» baćka maładziovaha aktyvista Vincuk Viačorka, zaraz Franak Viačorka znachodzicca ŭ vajenkamacie, jaho adviali ŭ asobny pakoj.
Ale jon paśpieŭ dasłać SMS, što «ŭsio vielmi kiepska».
— Ja dumaju, što budzie vykarystany varyjant Žaleźničenki, jakoha zabrali ŭ vojska niahledziačy na adterminoŭku. I navat nie dali času, kab abskardzić hetaje rašeńnie ŭ sudzie, — skazaŭ palityk.
Nahadajem, što da vieraśnia ŭ Franaka Viačorki była adterminoŭka ad słužby ŭ vojsku «pa stanie zdaroŭja».
* * *
Adzin ź lideraŭ maładziožnaha kryła Partyi BNF Franak Viačorka adpraŭleny ŭ vajenny špital
Takoje rašeńnie 26 vieraśnia pryniała Minskaja abłasnaja vajennaja miedycynskaja kamisija.
Nahadajem, 16 lipienia miedycynskaja kamisija vajenkamata Savieckaha rajona Minska pryznała maładziožnaha aktyvista niepryhodnym da vajskovaj słužby pa stanie zdaroŭja. Razam z tym abłasnaja miedkamisija pastaviła pad sumnieńnie hetaje rašeńnie i nakiravała jaho na abśledavańnie ŭ vajenny špital.
F.Viačorka paviedamiŭ BiełaPAN, što nie vyklučaje svajho chutkaha nakiravańnia na terminovuju vajskovuju słužbu.
