U Novy hod i pieradnavahodnija dni z-za źviazanych ź piratechnikaj traŭmaŭ pa mieddapamohu źviarnulisia bolš za 60 čałaviek, paviedamlaje BIEŁTA.
«Z 28 śniežnia pa siońniašni dzień pa mieddapamohu ŭ vyniku prymianieńnia piratechniki źviarnulisia 64 čałavieki. Heta davoli vialikaja ličba. Ambułatorna akazanaja dapamoha 46 ludziam, 18 čałaviek špitalizavanyja», — prainfarmavaŭ načalnik adździeła arhanizacyi miedycynskaj abarony pry nadzvyčajnych situacyjach Ministerstva achovy zdaroŭja Aleh Pančuk.
Da niaščaścia, nie abyšłosia i biez traŭmaŭ u dziaciej. Da prykładu, u Bresckaj vobłaści 11-hadovaje dzicia atrymała irvanuju ranu dałoni, tamu što sprabavała z zapałak zrabić vybuchovy pakiet. U 14-hadovaha chłopčyka ŭ rukach vybuchnuła pietarda, i jon atrymaŭ traŭmy abiedźviuch ruk.
Padobny vypadak adbyŭsia ź dziciom 2004 hoda naradžeńnia — jano atrymała termičny apiok dałoniaŭ, kali namahałasia razrezać pietardu. Piacihadovy mały atrymaŭ apioki ruk, pieradplečča i hrudnoj kletki ŭ vyniku prymianieńnia piratechniki, a čatyrochhadovy — termičny apiok pravaha pieradplečča (da 5% cieła) — u jaho trapiŭ salut.
Pradstaŭniki MNS nastojliva prosiać nie ŭžyvać fiejervierkaŭ i pietard u niećviarozym stanie i ŭvažliva sačyć za biaśpiekaj dziaciej pry zapusku salutaŭ i inšaj piratechniki.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary