Polšča stała niepastajannym členam Rady biaśpieki AAN

— Ja rady, što praz dvaccać hadoŭ Polšča viartajecca ŭ Radu biaśpieki AAN. Našym pryjarytetam stanie ŭzmacnieńnie mižnarodnaha prava i previencyja, a našym firmiennym znakam — spałučeńnie pytańniaŭ biaśpieki i raźvićcia, — skazaŭ u aŭtorak ministr Vitald Vaščykoŭski z nahody vybaru Polščy niepastajannym členam Rady biaśpieki AAN.

— Miesca ŭ Radzie — heta svojeasablivy bilet da ŭdziełu ŭ suśvietnaj palitycy, — adznačyŭ kiraŭnik źniešniepalityčnaha viedamstva.

2 studzienia 2018 h. u štab-kvatery Arhanizacyi Abjadnanych Nacyj u Ńju-Jorku adbyłasia cyrymonija ŭstanaŭleńnia nacyjanalnych ściahoŭ dziaržaŭ, jakija ŭ jakaści niepastajannych členaŭ uvajšli ŭ skład Rady biaśpieki AAN. Akramia polskaha ściaha, na fłahštokach źjavilisia taksama ściahi Ekvataryjalnaj Hviniei, Kuviejta, Niderłandaŭ, Pieru i Bieraha Słanovaj Kości. Hetyja krainy zamianili Ukrainu, Jehipiet, Japoniju, Uruhvaj, Italiju i Sieniehał, jakija z zakančeńniem 2017 h. zaviaršyli členstva ŭ RB. Polšča była vybrana členam Rady biaśpieki na 2018—2019 hh. pa vynikach tajnaha hałasavańnia Hienieralnaj Asamblei AAN 2 červienia 2017 h., padčas jakoha kandydaturu Polščy padtrymali 190 krain-členaŭ AAN.

— Biesprecedentna vialikuju padtrymku, jakuju my atrymali na vybarach niekalki miesiacaŭ nazad, my rasceńvajem jak vyražeńnie davieru da Polščy z boku mižnarodnaj supolnaści i pryznańnia jaje raniejšych namahańniaŭ, skiravanych na padtrymańnie mižnarodnaha miru i biaśpieki. Dla nas heta taksama surjoznaje abaviazacielstva i vyklik — pravilna skarystacca členstvam u Radzie biaśpieki dla efiektyŭnaha pošuku rašeńniaŭ hłabalnych zadač u halinie zachavańnia miru i biaśpieki, jakija stajać pierad nami, — skazała ŭ aŭtorak pasoł Iaana Vraniecka — stały pradstaŭnik Respubliki Polšča pry Arhanizacyi Abjadnanych Nacyj u Ńju-Jorku.

Cyrymonija adbyłasia pad kiraŭnictvam Kazachstana, jaki ŭ studzieni raspačaŭ staršynstva ŭ RB na najbližejšy miesiac. Pryjarytetnymi napramkami staršynstva Kazachstana stanie pytańnie nieraspaŭsiudžańnia zbroi masavaha paražeńnia i situacyja ŭ Afhanistanie. U paradak dnia ŭklučany taksama pytańni pa Siryi i dziejnaści miratvorčych sił AAN u Demakratyčnaj Respublicy Konha, Livii, Sudanie, Mali, Samali, Paŭdniovym Sudanie i na Kipry. Polšča raspačnie staršynstva ŭ SB u mai hetaha hoda i ŭ druhoj pałovie 2019 h.

U Radzie biaśpieki ŭ 2018 h. Polšča budzie pracavać razam ź piaćciu pastajannymi členami (Rasija, Kitaj, ZŠA, Vialikabrytanija, Francyja) i členami, vybranymi šlacham hałasavańnia: Efiopijaj, Ekvataryjalnaj Hviniejaj i Bieraham Słanovaj Kości — pradstaŭnikami Afryki, dźviuma krainami Łacinskaj Amieryki (Balivija i Pieru), dźviuma krainami, jakija pradstaŭlajuć azijacki i arabski rehijony (Kazachstan i Kuviejt), a taksama z dvuma pradstaŭnikami Jeŭropy — Niderłandami i Šviecyjaj.

Rada biaśpieki źjaŭlajecca adnym ź piaci hałoŭnych orhanaŭ Arhanizacyi Abjadnanych Nacyj. Dekłaracyja AAN nakładaje na RB hałoŭnuju adkaznaść za padtrymańnie miru i biaśpieki.

• 0
• 0
• 0
• 0
• 0
• 0
• 0
• 0