Hleb Vajkul, viadomy mnohim jak aktyvist «Marša studentaŭ» i inicyjatar prajekta «Huki mietro», apublikavaŭ abiacańnie pryvieści siabie ŭ formu ŭ novym hodzie i zaprasiŭ dałučycca da hetaj estafiety biełaruskich zmaharoŭ, žurnalistaŭ, miedyjnych pierson i inšych.
Siarod tych, kaho Hleb zaklikaje padkačacca, adznačanyja Franak Viačorka, Eduard Palčys, Pavieł Biełavus, Ivan Šyła, Usievaład Ścieburaka dy inšyja. Navošta heta jamu i im?
«U našy dni zanadta šmat prapahandy ałkaholu i kureńnia i vielmi mała jakasnaj prapahandy zdarovaha ładu žyćcia. Na jakoha biełaruskaha mužyka ni hlań — usie z žyvatom. Mnie škada ich. Meta majho fłešmobu — padniać pytańnie zdarovaha ładu žyćcia siarod biełarusaŭ. Heta tyčycca nie tolki fejsbučnaha «bamondu», ale i astatnich biełarusaŭ. My pavinnyja sačyć za svaim fizičnym stanam. Vyklik raspaŭsiudžvajecca i na dziaŭčat», — kaža Hleb.
Dałučycca da estafiety moža luby achvotny ci achvotnaja. Umovy elemientarnyja:
1. Apublikavać u sacsietkach śviežaje fota, na jakim budzie bačna vaša siońniašniaja forma.
2. Adznačyć u dopisie siabra ci siabroŭku i takim čynam nahadać im, što było b niadrenna padkačacca da leta. Nie zabyvajcie pra ahulny chešteh estafiety #trebapadkačacca.
3. Zajmacca. Zajmacca i jašče raz zajmacca! Ciahać žaleza ci biehać — kamu što bolš padabajecca.
4. 1 červienia 2018 hoda apublikavać fotazdymak, na jakim buduć bačnyja vyniki pieraŭtvareńnia.
Hleb choča, kab jaho estafieta stała matyvataram, jaki sapraŭdy dapamoža zaniacca saboj, a nie prydumlać čarhovyja adhavorki, kab prapuskać treniroŭki.
***
Na telehram-kanał «Našaj Nivy» možna padpisacca tut.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary