Kasavy aparat subjekta haspadarańnia ŭ vyhladzie prahramy dla mabilnaha telefona, noŭtbuka abo płanšetu — takaja mahčymaść praduhledžanaja pastanovaju Saŭmina i Nacbanka numar 1040/17 ad 29 śniežnia 2017 hoda, paviedamlaje Tut.by.
«Prahramnaja kasa ŭjaŭlaje saboj prahramnaje zabieśpiačeńnie, z dapamohaj jakoha buduć vykonvacca kasavyja apieracyi, dadzienyja ab jakich buduć pieradavacca ŭ sistemu kantrolu kasavaha abstalavańnia (SKKA)», — ŭdakładniajuć ŭ Saŭminie.
Praduhledžana dva varyjanty ŭstanoŭki prahramnych kas. Pieršy — na elektronnych pryładach (noŭtbuki, płanšety, mabilnyja telefony), a druhi — u centry apracoŭki dadzienych apieratara prahramnaj kasavaj sistemy (u takim vypadku kasa vykarystoŭvajecca praź internet praź identyfikacyju łahinam i parolem). Pry hetym prahramnaja kasa pavinna adpaviadać patrabavańniam zakanadaŭstva ŭ śfiery abarony infarmacyi.
Zajmacca ukaranieńniem takoj kasy, jaje ekspłuatacyjaj, a taksama pieradačaj dadzienych u SKKA buduć apieratary prahramnych kasavych sistem, jakimi buduć vystupać jurydyčnyja asoby — rezidenty Respubliki Biełaruś, jakija adpaviadajuć patrabavańniam, jakija buduć vyznačany MPZ.
Nahadajem, raniej padatkaviki tłumačyli, što subjektam haspadarańnia, jakija buduć vykarystoŭvać prahramnyja kasy, treba budzie nabyvać klučy elektronnaha ličbavaha podpisu, pryładu dla druku płaciožnaha dakumienta, płaciožny terminał. Akramia taho, treba budzie vykaštavacca na pasłuhi apieratara prahramnaj kasavaj sistemy.
«U toj ža čas vykarystańnie prahramnych kas dazvolić paźbiehnuć šerahu isnujučych zatrat, u tym liku za košt adsutnaści nieabchodnaści ŭniasieńnia zakładnoha koštu za srodak kantrolu padatkovaha orhana (SKPO), a taksama za košt vykarystańnia dla vykanańnia kasavych apieracyj pry prodažy tavaraŭ (rabot, pasłuh) najaŭnych u subjektaŭ haspadarańnia elektronnych pryład, jakija zabiaśpiečvajuć mahčymaść funkcyjanavańnia prahramnaj kasy i pieradačy dadzienych u SKKO », — tłumačyli ŭ MPZ.
Dakumient nabudzie moc praz 6 miesiacaŭ z dnia aficyjnaj publikacyi, to bok užo ŭletku. Pradprymalniki zmohuć vybirać, ci zastavacca z aparatnymi kasami, ci pierachodzić na prahramnyja varyjanty ŭliku dachodaŭ ad prodažaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary