Amierykanski telekanał CNN nazvaŭ zasnavalnika Amazon Džefa Biezasa samym bahatym čałaviekam u historyi. Pavodle rejtynhu miljarderaŭ, składzienym ahienctvam Bloomberg, jaho bahaćcie na 9 studzienia 2018 hoda aceńvajecca ŭ 105 miljardaŭ dalaraŭ.
Rost dachodaŭ Biezasa adbyŭsia za košt pavieličeńnia koštu akcyj Amazon, jakija ŭ pieršyja dni 2018 hoda dadali 6,62% i kaštavali 1,3 tysiačy dalaraŭ za adzinku.
Jak adznačaje telekanał, Biezas pabiŭ rekord, pastaŭleny zasnavalnikam Microsoft Biłam Hiejtsam, kapitał jakoha, pavodle acenak Bloomberg i Forbes, nienašmat pieravyšaŭ 100 miljardaŭ dalaraŭ u 1999 hodzie. Adnak paśla hetaha jon pačaŭ padać i, pa apošnich dadzienych, składaje 93,3 miljarda dalaraŭ.
Biezas zasnavaŭ Amazon ŭ 1994 hodzie, za 2016 hod abarot kampanii skłaŭ kala 136 miljardaŭ dalaraŭ. Akramia akcyj Amazon, Biezasu naležać hazieta The Washington Post i kampanija Blue Origin, jakaja zajmajecca raspracoŭkaj kaśmičnaha karabla.
