Prahrama «Viaskoŭcy» telekanała «Biełsat» znoŭ apynułasia ŭ viry padziejaŭ, a viadoŭca Viktar Šukiełovič trapiŭ u vioscy Vuhlany Smarhonskaha rajonu ŭ bahatuju kamoru, dzie zachoŭvajecca amal tysiača słoikaŭ z raznastajnymi smakoćciami.
Viadoŭca zavitaŭ u hości da cudoŭnych ludziej, jakija traktujuć baćkoŭskuju chatu jak svojeasablivy pomnik minułym pakaleńniam. Siamja akazałasia mižnarodnaj, bo adna ź niaviestak pachodzić z Rasiei, a druhaja naradziłasia va Ukrainie. Adna ź niaviestak raspaviała historyju, jakaja adbyłasia na samym pačatku jejnaha pobytu ŭ Biełarusi, kali jana mieła ciažkaści ź biełaruskaj movaj. Babula paprasiła ŭ jaje «kilu cukru», a maładaja dziaŭčyna chacieła pačastavać jaje «kilkaj». Što z hetaha atrymałasia — raspaviaduć tolki «Viaskoŭcy»!
U Vuhlanach Viktar nie tolki łasavaŭsia raznastajnymi prysmakami, ale i sam varyŭ hrybny sup, razhadvaŭ čarhovyja zahadki dy šukaŭ skarby na haryščy. Kab nie było sumna, Viktar vykanaŭ na rečach, jakija trapilisia pad ruku, kampazicyju hurta «Queen» — «We Will Rock You», praŭda, admysłova pryśviaciŭ jaje mienavita viaskoŭcam.
Prahrama «Viaskoŭcy» vychodzić na «Biełsacie» štosieradu a 18:25.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary