Biełaruskuju lohkaatletku Ludmiłu Lachovič (dziavočaje proźvišča Kavalenka) dyskvalifikavali za parušeńnie antydopinhavych praviłaŭ. Pra heta paviedamlaje Jeŭraradyjo sa spasyłkaj na sajt Biełaruskaj fiederacyi lohkaj atletyki.
Paviedamlajecca, što spartoŭka parušyła antydopinhavyja praviły z 11 śniežnia 2010 hoda da 11 krasavika 2014 hoda (abnarmalnyja pakazčyki bijałahičnaha pašparta).
Dyskvalifikacyju vyniesła dyscyplinarnaja kamisija BFŁA. Jana budzie dziejničać dva hady — z 31 kastryčnika 2017 hoda pa 30 kastryčnika 2019 hoda. Taksama skasoŭvajucca vyniki vystupaŭ Lachovič z 27 červienia 2012 hoda pa 10 krasavika 2016-ha.
Darečy, da 2014 hoda Lachovič vystupała za Ukrainu. Pradstaŭlać Biełaruś jana atrymała prava ŭ 2017 hodzie. U składzie nacyjanalnaj zbornaj jana zavajavała załaty miedal u kamandnym zaliku Kubka Jeŭropy ŭ biehu na 10 000 mietraŭ. Taksama spartoŭka była pieramožcaj Minskaha paŭmarafona ŭ 2017 hodzie


Kamientary