U vyniku ŭzharańnia aŭtobusa ŭ Akciubinskaj vobłaści Kazachstana zahinuli 52 čałavieki, paviedamlaje Kamitet pa nadzvyčajnych situacyjach pry MUS respubliki.
«18 studzienia 2018 hoda ŭ 10:30 u Irhizskim rajonie Akciubinskaj vobłaści, na 1068 km aŭtadarohi Samara — Šymkient, za 10 km ad pasiołka Kałybaj, padčas ruchu adbyłosia zaharańnie pasažyrskaha aŭtobusa marki «Ikarus». U sałonie znachodzilisia 55 pasažyraŭ i 2 kiroŭcy. Hramadzianstva achviar vyśviatlajecca», — havorycca ŭ paviedamleńni viedamstva.
Piaciarym pasažyram udałosia vybracca z aŭtobusa. «Astatnija 52 čałavieki zahinuli na miescy», — udakładnili ŭ Kamitecie pa NS.
Na miescy katastrofy pracujuć padraździaleńni palicyi, ratavalnikaŭ, miedykaŭ, psichołahaŭ, tam ža razhornuty apieratyŭny štab.
U aŭtobusie znachodzilisia hramadzianie Uźbiekistana, adnak ich kolkaść pakul dakładna nie ŭstanoŭlena.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary