Rasieja pačała pastaŭki zienitnaj rakietnaj sistemy S-400 «Tryumf» Kitaju pa kantrakcie 2014 hoda, pieršy pałkavy kamplekt užo adpraŭleny zamoŭcu. Pra heta ŭ čaćvier TASS paviedamiła krynica ŭ sistemie vajenna-techničnaha supracoŭnictva Rasii.
«Realizacyja kantraktu pačałasia, pieršy pałkavy kamplekt adpraŭleny ŭ Kitaj», — paćvierdziŭ surazmoŭca ahienctva.
Pa dadzienych krynicy, u składzie kamplekta — kamandny punkt, radyjołakacyjnaja stancyja, enierhietyčnaje i dapamožnaje abstalavańnie, zapasnyja častki, instrumienty, pryłady i inšyja elemienty sistemy.
Adznačajecca, što padpisanaja z KNR damova nie praduhledžvaje ni pieradačy technałohij, ni licenzijnaj vytvorčaści hetych sistem.
Surazmoŭca ahienctva taksama paviedamiŭ, što Rasija ŭ minułym hodzie praviała navučańnie ekspłuatacyi S-400 hrupy kitajskich vajskoŭcaŭ.
U Fiederalnaj słužbie pa vajenna-techničnym supracoŭnictvie Rasii nie stali kamientavać hetuju infarmacyju.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary