Vašynhtonu dla abarony ad terarystyčnych napadaŭ bieśpiłotnikaŭ varta vykarystoŭvać rasijski mietad, ličyć supracoŭnik Centra vajenna-marskoj analityki Semiuel Biendeta. Pra heta paviedamlaje RIA «Novosti».
Śpiecyjalist, jakija vyvučaje technałohii bieśpiłotnych latalnych aparataŭ, upeŭnieny, što terakty z vykarystańniem dronaŭ, padobnyja da napadu, jak sprabavali zładzić bajeviki ŭ Chmiejmimie, stanuć adbyvacca značna čaściej. Abaranicca ad ich, pa mierkavańni analityka, dapamoža radyjoelektronnaja baraćba (REB).
«Rasieja ŭžo kaža ab jašče bolšym uzmacnieńni radyjoelektronnaj baraćby paśla sarvanaha teraktu ŭ Siryi», — skazaŭ Biendeta u intervju časopisu National Interest.
Taksama ekśpiert adznačyŭ, što dla adsočvańnia i źniščeńnia dronaŭ supiernika varta całkam abstalavać srodkami REB latalnyja aparaty, pryvodziačy ŭ prykład rasiejskija PKS, jakija ŭstalavali sistemu radyjoelektronnaj baraćby na šmatfunkcyjanalny bieśpiłotnik «Arłan-10».
Vydańnie pryjšło da vysnovy, što REB moža akazacca značna bolš ekanamičnym varyjantam adbićcia napadu dronaŭ, čym darahija rakiety, naprykład AIM-120.
Vośmaha studzienia Minabarony Rasii paviedamiła pra sarvany napad dronaŭ na rasijskija abjekty ŭ Siryi. Šostaha studzienia dziesiać bieśpiłotnikaŭ nakiroŭvalisia ŭ Chmiejmim i jašče try — u Tartus dla ździajśnieńnia nalotu. Siem latalnych aparataŭ udałosia źniščyć biez paciarpiełych i materyjalnaj škody, nad astatnimi šaściu rasijskija vajskoŭcy pierachapili kantrol.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary