
Pieramovy pa ŭrehulavańni kanfliktu na ŭschodzie Ukrainy mohuć być pieraniesieny ź Minska ŭ inšaje miesca. Pra heta ŭ čaćvier, 18 studzienia, paviedamiŭ prezident Kazachstana Nursułtan Nazarbajeŭ na pres-kanfierencyi ŭ Ńju-Jorku pa vynikach pasiadžeńnia Rady Biaśpieki AAN, paviedamlaje Deutsche Welle.
Pa słovach Nazarbajeva, jaki naviedaŭ ZŠA z aficyjnym vizitam, z padobnaj prapanovaj vystupiŭ kiraŭnik amierykanskaj dziaržavy Donald Tramp. «Minsk-1 zastoparyŭsia, ŭ tupiku», padkreśliŭ Nazarbajeŭ, dadaŭšy, što adčuvajecca patreba ŭ novym dyjałohu.
«Uvohule heta pieršapačatkova pavinna było być u Kazachstanie … Damovilisia, što ŭ hetym napramku budziem pracavać», - padkreśliŭ jon. Pry hetym adnym z asnoŭnych pytańniaŭ moža stać uviadzieńnie «błakitnych kasak» u Danieck i Łuhansk, ukazaŭ prezident Kazachstana.

Kamientary