Upieršyniu papa Francišak celebravaŭ sakrament suženstva prosta ŭ samalocie — jon dabrasłaviŭ šlubny sajuz ściuardesy i bortpravadnika čylijskaj avijakampanii Latam padčas pieralotu z Santjaha ŭ Ikikie.
Pra heta paviedamiŭ dyrektar pres-słužby Vatykana Hreh Burkie, jaki lacieŭ tym samym rejsam razam z Papam, pieradaje catholic.by.
Niezvyčajny sakrament suženstva adbyŭsia na vyšyni kala 11 kiłamietraŭ nad ziamloj. Sužency — 39-hadovaja Paŭła Padesta Ruis i 41-hadovy Karłas Kufanda Ełarjaha — užo mieli hramadzianski šlub i źbiralisia zaklučyć sakrament suženstva ŭ Kaściole, adnak spačatku z-za ziemlatrusu 2010 h., a potym z-za inšych pieraškodaŭ byli vymušany adkłaści viasielle.
«Heta vialikaja radaść. Nas šlubavaŭ Papa ŭ samalocie: nie moža być ničoha pryhažejšaha za heta dla dvuch ludziej, jakija kachajuć adno adnaho, — padzialiŭsia ŭražańniami Karłas Kufanda Ełarjaha. — Usio adbyłosia niečakana, heta zusim nie było padrychtavana. Papa vysłuchaŭ našu historyju i vyrašyŭ dabrasłavić šlub».
U suženskim paśviedčańni napisana: «18 studzienia 2018 h., padčas papskaha avijarejsu z Santjaha ŭ Ikikie, spadar Karłas Kufanda Ełarjaha i spadarynia Paŭła Padesta Ruis zaklučyli suženski sajuz u prysutnaści śviedki Ińjasia Kueta. Śviaty Ajciec Francišak pryniaŭ vyraz zhody».
Kamientary