Patencyjał «Biełaj Rusi» jak hramadskaha abjadnańnia jašče nie vyčarpany. Pra heta siońnia zajaviŭ staršynia RHA «Biełaja Ruś» Alaksandr Radźkoŭ na III źjeździe abjadnańnia ŭ Minsku, paviedamlaje BiełTA.
«Biełaja Ruś» hladzić na žyćcio krainy z ahulnadziaržaŭnych i ahulnanarodnych pazicyj, skazaŭ jon.
«Pakolki ideałahičnym stryžniem «Biełaj Rusi» była i zastajecca padtrymka palityki Alaksandra Łukašenki, to dziejnaść arhanizacyi nie fakusujuć vakoł baraćby za ŭładu. Heta daje mahčymaść abjadnańniu uzvažana hladzieć na ŭsie pracesy z ahulnadziaržaŭnych, ahulnanarodnych pazicyj», — skazaŭ Alaksandr Radźkoŭ.
Pavodle jaho słoŭ, «Biełaja Ruś» stała ahulnanacyjanalnym narodnym rucham. «Heta placoŭka dla dyjałohu pradstaŭnikoŭ roznych hrup, abjadnańniaŭ, partyj, aryjentavanych na supracoŭnictva z uładaj», — zajaviŭ Radźkoŭ.
Nivodnaha namioku na pieraŭtvareńnie «Biełaj Rusi» ŭ palityčnuju partyju jon nie zrabiŭ.
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič5
Kamientary