Ministr zamiežnych spraŭ Biełarusi Uładzimir Makiej prakamientavaŭ zajavu prezidenta Kazachstana Nursułtana Nazarbajeva ab mahčymaści pošuku alternatyŭnaha miesca praviadzieńnia pieramovaŭ pa Ukrainie.
«Nie Biełaruś naprošvałasia ŭ jakaści placoŭki dla praviadzieńnia pieramoŭ pa Ukrainie, a kiraŭniki krain narmandskaj čaćviorki vykazali prośbu da prezidenta A.Łukašenki pryniać u siabie ŭdzielnikaŭ sustreč pa ŭrehulavańni ŭkrainskaha kanfliktu», — miarkuje Makiej.
«U adroźnieńnie ad inšych, Biełaruś za łaŭrami miratvorca nie honicca. Ale: heta kanflikt u našaj siamji, u našym rehijonie, i my kroŭna zacikaŭleny ŭ jaho vyrašeńni. My — nie ŭdzielniki pieramovaŭ, ale prezident Biełarusi nieadnarazova prapanoŭvaŭ roznyja varyjanty ŭrehulavańnia hetaha kryzisu, u tym liku hatoŭnaść zabiaśpiečyć kantrol biełaruskimi miratvorcami ukrainska-rasijskaj miažy i linii sudakranańnia. Naŭrad ci što-niebudź zaležyć ad miesca praviadzieńnia pieramoŭ.
Pieramovy pa Ukrainie možna pieranieści choć u Antarktydu, kali budzie ŭpeŭnienaść u ich pośpiechu. Ale dla źjaŭleńnia hetaj upeŭnienaści treba, kab usie załučanyja ŭ hety kanflikt baki, a taksama nibyta «inšyja», ale vielmi zacikaŭlenyja dziaržavy byli ščyra naceleny na spynieńnie krovapralićcia.
Kamientary