Były ministr achovy zdaroŭja Biełarusi, viadomy vučony, akademik NAN Biełarusi Uładzimir Ułaščyk pamior 17 studzienia 2018 hoda na 75-m hodzie žyćcia, pieradaje partał TUT.BY.
Uładzimir Ułaščyk byŭ łaŭreatam Dziaržaŭnaj premii BSSR, zasłužanym dziejačam navuki, doktaram miedycynskich navuk, prafiesaram, akademikam. Jaho navukovyja daśledavańni pryśviečany aktualnym prablemam fizičnaj miedycyny, miedycynskaj i bijałahičnaj fizicy.
Jon bolš za 25 hadoŭ uznačalvaŭ kafiedru fizijaterapii i kurortałohii BiełMAPA, abiraŭsia deputatam Viarchoŭnaha Savieta BSSR.
U 1983—1986 hadach Uładzimir Ułaščyk zajmaŭ pasadu namieśnika ministra i načalnika IV Hałoŭnaha ŭpraŭleńnia Ministerstva achovy zdaroŭja BSSR. U 1986—1993 hadach byŭ ministram achovy zdaroŭja Respubliki Biełaruś.
U 2005—2010 hadach akademik pracavaŭ dyrektaram Instytuta fizijałohii NAN Biełarusi. Z 2010 hoda byŭ kiraŭnikom adździeła, hałoŭnym navukovym supracoŭnikam Instytuta fizijałohii NAN Biełarusi.
Raźvitańnie z Uładzimiram Ułaščyk projdzie 20 studzienia 2018 hoda a 11.00 u Vialikaj kanfierenc-zale NAN Biełarusi (Minsk, pr. Niezaležnaści, 66), paviedamiła pres-słužba NAN Biełarusi.
Kamientary