Biełaruskija banki zaniepakojenyja prablemaj atrymańnia ŭ ZAHSach źviestak pra śmierć hramadzian, jakija źjaŭlajucca kredytaatrymalnikami. Pra heta havorycca ŭ liście Asacyjacyi biełaruskich bankaŭ (ABB) u adras Ministerstva justycyi.
Hetyja dadzienyja nieabchodnyja bankam «dla pravilnaj i svoječasovaj acenki kredytnaj ryzyki ŭ dačynieńni da kankretnych daŭžnikoŭ». Bank abaviazany pry atrymańni niehatyŭnaj infarmacyi, jakaja tyčycca niemahčymaści svoječasovaha pahašeńnia kredytaŭ, acanić ryzyki i stvaryć reziervy na pakryćcio strat, a taksama dać spravazdačnaść u Nacbank. Adnak adsutnaść dakumientalnaha paćvierdžańnia infarmacyi istotna ŭskładniaje abjektyŭnuju acenku ryzyki.
Akramia taho, banku treba pradjaŭlać patrabavańni ab pahašeńni doŭhu da spadčyńnikaŭ pamierłaha kredytaatrymalnika, što taksama niemahčyma biez najaŭnaści adpaviednych dakumientaŭ.
Adnak banki nie ŭvachodziać u pieralik arhanizacyj, jakim ZAHSy abaviazany pradastaŭlać źviestki pra śmierć hramadzian. Tamu ABB prapanavała zamacavać na zakanadaŭčym uzroŭni mahčymaść vypatrabavańnia bankami takoj infarmacyi.
U Miniuście zajavili, što «pytańnie pravavoha rehulavańnia pradastaŭleńnia bankam infarmacyi pra śmierć hramadzian, a taksama vyznačeńnia krynic jaje atrymańnia patrabuje dadatkovaj prapracoŭki i ŭzhadnieńnia z zacikaŭlenymi orhanami».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary