Ratavalniki Elbruskaha vysakahornaha pošukava-vyratavalnaha atrada MNS Rasii znajšli dvuch źnikłych alpinistaŭ ź Biełarusi, paviedamlaje TUT.BY sa spasyłkaj na siemji chłopcaŭ.
Fota: vk «Apošniaja kropka suviazi da pieravała. Nadvorje šykoŭnaje ». Tak padpisaŭ svajo fota Dźmitryj Lićvinski 17 studzienia. Paśla hetaha na suviaź nie vychodziŭ. Fota: vk
— Rasijskija vyratavalniki tolki što źviazalisia z nami. Znajšli! Usio dobra. Spuskajucca svaim chodam, značyć i žyvyja i zdarovyja! — čujecca ŭ słuchaŭcy zachopleny hołas Siarhieja Martyniuka. Mužčyna ničoha nie viedaŭ pra syna bolš za tydzień.
Infarmacyju paćvierdzili ŭ pošukavym atradzie: alpinistaŭ znajšli pad pieravałam Iryk, heta ŭnizie ŭschodniaha schiłu Elbrusa.
— Chłopcy samastojna ŭ supravadžeńni ratavalnikaŭ užo spuskajucca ŭniz. Zdolnyja sami pierasoŭvacca, usio narmalna. Chutčej za ŭsio, suviazi tam nie było, tamu jany «maŭčali». Vyjšli na pieravał, vidać, chacieli vyjści na suviaź — zaplečniki pakinuli ŭnizie. Spačatku ratavalniki mienavita zaplečniki i znajšli, a potym samich chłopcaŭ.
Pošukavaja apieracyja praciahvałasia dva dni. Učora na pošuki adpravilisia vosiem čałaviek, siońnia pracavali 13. Miarkujuć, što biełarusy viernucca na bazu prykładna da hadziny nočy ci krychu paźniej.
