25 studzienia na praśpiekcie Niezaležnaści zatrymany 34-hadovy niepracujučy minčanin, jaki zajmaŭsia prodažam narkatyčnych rečyvaŭ pa sistemie «z ruk u ruki», paviedamlaje HUUS Minskaha harvykankama.
Złamyśnik pradavaŭ narkotyki peŭnamu kołu ludziej, jakija pieraličvali jamu hrošy na bankaŭskuju kartu. Biełaruskija rubli fihurant kanviertavaŭ ŭ kryptavalutu, za jakuju paśla nabyvaŭ bujnyja partyi psichatropaŭ (zakładki) dla nastupnaha pieraprodažu ŭ niekalki razoŭ daražej.
Padazrony byŭ zatrymany razam z pakupnikom ŭ aŭtamabili ŭ momant ździajśnieńnia čarhovaj ździełki. U časie pieratrusu ŭ pradaŭca było znojdziena i kanfiskavana 10,3 hrama psichatropnaha rečyva biełaha koleru, u pakupnika — 0,6 hrama.
Kanfiskavanaje rečyva było nakiravanaje na daśledavańnie. Pa vynikach ekśpiertyzy ŭstanoŭlena, što kanfiskavany parašok źmiaščaje ŭ svaim składzie asabliva niebiaśpiečnaje psichatropnaje rečyva — para-mietyłefiedronam.
Pa dadzienym fakcie ŭ dačynieńni da pradaŭca zaviedzienaja kryminalnaja sprava pa častcy 3 artykuła 328 (Niezakonny abarot narkatyčnych srodkaŭ, psichatropnych rečyvaŭ) Kryminalnaha Kodeksa Respubliki Biełaruś. Złamyśniku pahražaje pazbaŭleńnie voli na termin ad 8 da 15 hadoŭ. U dačynieńni da pakupnika kryminalnaja sprava zaviedzienaja pa častcy 1 artykuła 328.
Kamientary