Zhodna z novymi praviłami raźmiaščeńnia rekłamy najbujniejšaj u śviecie sacyjalnaj sietki Facebook, karystalniki bolš nie zmohuć raźmiaščać rekłamu lubych kryptavalut. Hetaje ž praviła zakranie i Instagram, jaki z 2012 hoda naležyć kampanii Facebook.

Jak havorycca ŭ paviedamleńni, dva klučavyja pryncypy kampanii datyčna rekłamy palahajuć u tym, što abjavy pavinny być nadziejnymi i zavajoŭvać davier ludziej.
U suviazi z hetym, adznačajuć u Facebook, abviestkam, što ŭvodziać u zman, u hetaj sacyjalnaj sietcy miesca niama.
«My pryniali na ŭzbrajeńnie novuju palityku, jakaja zabaraniaje rekłamu finansavych praduktaŭ i pasłuh, što časta asacyjujucca z uviadzieńniem u zman abo padmannaj dziejnaściu: binarnyja apcyjony, pieršasnyja prapanovy maniet i kryptavalut», — raspaviadajecca ŭ zajavie Facebook.
Voś prykłady rekłamy, jakaja ciapier budzie vydalacca:
- Pačynajcie handlavać binarnymi apcyjonami zaraz i atrymajecie dziesiacihadovuju harantyju handlu biez ryzyki!
- Naciśnicie tut, kab daviedacca bolš ab našaj biezryzykoŭnaj kryptavalucie, jakaja dazvalaje ździajśniać imhniennyja pieravody pa ŭsim śviecie.
- Novaje ICO! Kupicie tokieny sa źnižkaj 15% prosta zaraz!
- Vykarystoŭvajcie svaje piensijnyja nazapašvańni dla kupli bitkojna!
Čytajcie taksama: «Takich, jak my, u krainie ŭžo sotni». Jak u pramzonie biełaruskaha rajcentra majniać kryptavaluty FOTAREPARTAŽ
-
Studyja ź minskimi karaniami vypuściła videahulniu pra Halivud. U jaje možna hulać pa-biełarusku
-
Navukoŭcy śćviardžajuć, što adkryli novy koler, jaki nichto raniej nie bačyŭ. Ale ŭbačyć jaho amal nierealna
-
Pierasyłka ryłsa ŭ instahramie moža vas vydać. Hetuju funkcyju nielha adklučyć, ale možna abaranić siabie — voś jak
Kamientary