Kali budzie jasnaje nadvorje
Pra heta paviedamiŭ BIEŁTA astranom Viktar Małyščyc.
«Siońnia dniom adbudziecca poŭnaje zaćmieńnie Miesiaca, ale jana budzie pad haryzontam, i my nie ŭbačym hetaj źjavy, u adroźnieńnie ad žycharoŭ, naprykład, Dalokaha Uschodu. Biełarusy zmohuć nazirać častkovaje miesiacovaje zaćmieńnie, h.zn. spadarožnik adnym bokam patrapić u cień Ziamli. Miesiac uzydzie kala 18.00, pry hetym budzie zaciamnieńnie vierchniaha pravaha kraju miesiaca, i praz chvilin 20 zaćmieńnie skončycca», - raspavioŭ Viktar Małyščyc.
Astranamičnuju źjavu možna budzie ŭbačyć niaŭzbrojenym vokam, maksimum zaćmieńnia nastupić adrazu paśla ŭzychodu Miesiaca. Lepš za ŭsio nazirać za im na miascovaści, dzie dastupnaja adkrytaja častka haryzonta, abo na vierchnich pavierchach budynkaŭ. «Pry hetym Miesiac nie budzie čyrvonaha adcieńnia, što mahčyma tolki padčas poŭnaj fazy zaćmieńnia. Ludzi časta pamyłkova ŭsprymajuć čyrvony koler jak koler zaćmieńnia, choć heta standartnaja atmaśfiernaja źjava, kali abjekt znachodzicca nad haryzontam», - padkreśliŭ astranom.
Siońniašnia poŭnia ŭnikalna jašče i tym, što jana stanie druhoj za miesiac. «Fazy Miesiaca źmianiajucca ź pieryjadam 29,5 sutak, a ŭ studzieni 31 dzień. Pieršaja poŭnia była ŭ pačatku miesiaca, druhaja budzie siońnia. Druhuju poŭniu Miesiaca nazyvajuć «błakitnym Miesiacam», — rastłumačyŭ Viktar Małyščyc
Kamientary