U 2018—2019 hadach u Minsku zakupiać jašče 60 elektrobusaŭ «Biełkamunmaš». Na jakich maršrutach jany pačnuć pracavać, raspavioŭ dyrektar Staličnaha transpartu i suviazi Valeryj Škurataŭ.
Ciapier elektrobusy pracujuć na maršrutach № 43 i 59. Usiaho na ich chodzić 20 takich mašyn. Škurataŭ kaža, što jany pakul nie atrymali kančatkovaha zaklučeńnia pa ekspłuatacyi elektrobusaŭ, ale papiarednija acenki — stanoŭčyja.
Tamu ŭ 2018—2019 hadach zakupiać jašče 60 štuk. Jany buduć jak doŭhimi, tak i karotkimi.
— U pieršuju čarhu, ich buduć vykarystoŭvać na praśpiekcie Pieramožcaŭ. Dumaju, što na adzincy (aŭtobus №1) dakładna źjavicca elektrobus. Dumaju, što i dziasiaty tralejbus my taksama zamienim na elektrobus, — skazaŭ Škurataŭ.
Zamiena «dziasiatki» zadumana dla taho, kab zrabić kamunikacyju pamiž praśpiektam Puškina i «Minsk-Arenaj» bieśpierabojnaj. Tady naviedvalniki spartyŭnych mierapryjemstvaŭ i kancertaŭ nie buduć zaležać ad abryvaŭ kantaktnaj sietki i ad zatoraŭ, piša Tut.by.
Kamientary