Kalinkovič pra spravu himnazista, jaki napaŭ na nastaŭnicu: Pytańnie vinavataści budzie vyrašacca nie ŭ fejsbuku
Viarchoŭny sud jašče raz prakamientavaŭ spravu himnazista Danata Skakuna, jakoha asudzili za zamach na zabojstva nastaŭnicy.
Padletka prysudzili da 8 hadoŭ pazbaŭleńnia voli. Paśla prysudu padletku ŭ sacyjalnych sietkach źjaviłasia staronka ŭ abaronu školnika, dzie stali publikavacca materyjały kryminalnaj spravy.
Na dumku pieršaha namieśnika staršyni Viarchoŭnaha suda Valeryja Kalinkoviča, staronka ŭ fejsbuku ŭ padtrymku asudžanaha chłopca — heta sproba cisku na sud.
— Staronki padtrymki ŭ fejsbuku i inšych resursach pačynajucca z taho, što niechta dosyć pierakanaŭča, na jaho pohlad, napisaŭ pieršy post pra toje, što Danat nie vinavaty. Ale sprava ŭ tym, što pytańnie vinavataści abo nievinavataści vyrašałasia, vyrašajecca i budzie vyrašacca nie ŭ fejsbuku, a sudom u daradčym pakoi, dzie niama fejsbuka, — zajaviŭ Valery Kalinkovič.
Jon padkreśliŭ, što «sudździ ŭ stanie pracavać publična i va ŭmovach cisku, jakija jany z honaram vytrymlivajuć, i vynosiać prysud pavodle zakona i sumleńnia, a nie fejsbuku».
Kamientary