Prychilniki Bašara Asada, jakija trapili pad udar amierykanskaj kaalicyi, pravodzili apieracyju suprać «śpiačaj» jačejki ID. Adnak jany nie ŭzhadnili svaje dziejańni z kamandavańniem rasijskaj apieratyŭnaj hrupy, paviedamlaje RBK.
Siryjskija apałčency, jakija dziejničajuć na baku armii Bašara Asada 7 lutaha pravodzili apieracyju ŭ rajonie byłoha naftapierapracoŭčaha zavoda El-Isba ŭ pravincyi Dejr-ez-Zor. Tam jany sprabavali vyjavić bajevikoŭ «śpiačaj» jačejki «Isłamskaj dziaržavy».
Svaje dziejańni apałčency nie ŭzhadnili z kamandavańniem rasijskaj apieratyŭnaj hrupy i ŭ vyniku patrapili pad udar amierykanskaj kaalicyi.
Vajskoŭcy ź mižnarodnaj kaalicyi na čale z ZŠA paviedamili, što były zavod u El-Isba znachodziŭsia pad kantrolem Siryjskich demakratyčnych sił i vajennasłužačych armii Złučanych Štataŭ.
Rasijskija ŚMI paviedamlajuć pra 25 paranienych u siłach Asada. Zachodnija krynicy havorać pra bolš jak 100 zabitych.
