Na sajcie viedamstva paviedamlajecca, što 9 lutaha supracoŭniki adździaleńnia Žabinkaŭskaj DAI ažyćciaŭlali nahlad za biaśpiekaj darožnaha ruchu. Pablizu vioski Bulkava kala 16.40 imi byŭ spynieny aŭtamabil «Falksvahien Džeta».
Labiedźka nibyta praihnaravaŭ patrabavańni supracoŭnikaŭ DAI pakazać dakumienty na aŭtamašynu i paśviedčańnie kiroŭcy.
DAI śćviardžaje, što termin dziejańnia paśviedčańnia Anatola Labiedźki skončyŭsia viasnoj minułaha hoda.
Anatol Labiedźka paćvierdziŭ «Našaj Nivie» hetuju infarmacyju, adnak śćviardžaje, što nie moža atrymać novaje paśviedčańnie kiroŭcy praz adsutnaść miedycynskaj daviedki, jakuju jamu admaŭlajucca vydavać pa nadumanych pryčynach. Svajo zatrymańnie jon ličyć palityčna matyvavanym, źviazanym z nadychodziačymi miascovymi vybarami.
U dačynieńni da lidara AHP składzieny administracyjnyja pratakoły pa artykułach 18.19 č.2 (Kiravańnie transpartnym srodkam asobaj, jakaja nie maje prava kiravańnia) i 23.4 (Niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ) KoAP Respubliki Biełaruś. Sud adbudziecca 23 lutaha.
