ria.ru
Raźviedvalnaja supolnaść ZŠA miarkuje, što Rasija razhladaje Biełaruś jak važny bufier pamiž saboj i NATA. Pra heta zajaviŭ na sumiesnych słuchańniach u sienacie dyrektar Nacyjanalnaj raźviedki ZŠA Denieł Koŭts, piša Tut.by.
U pradstaŭlenym im 28-staronkavym dakładzie adznačajecca, što Kreml budzie imknucca padtrymlivać i pa mahčymaści pašyrać svoj upłyŭ na ŭsioj terytoryi byłoha Savieckaha Sajuza, u krainach, jakija, na dumku Maskvy, znachodziacca ŭ jaje śfiery ŭpłyvu.
«Rasija razhladaje Biełaruś jak važny bufier pamiž saboj i NATA i budzie sprabavać sapsavać luboje patencyjnaje paciapleńnie pamiž Minskam i Zachadam», — havorycca ŭ dakładzie.
Kiraŭnik Nacyjanalnaj vyviedki ZŠA taksama adznačyŭ, što prezident Biełarusi Alaksandr Łukašenka praciahnie ciesnaje supracoŭnictva ŭ halinie biaśpieki z Maskvoj, ale budzie praciahvać imknucca da narmalizacyi adnosinaŭ z Zachadam, takim čynam vypraboŭvajučy ŭpłyŭ Rasii.
