U Minsku pratestavali taksisty słužby 135 FOTY
Kala «Čyžoŭka-Areny» ŭ čaćvier, 15 lutaha, prajšoŭ schod supracoŭnikaŭ słužby taksi 135. Ahułam u im uziali ŭdzieł kala sotni kiroŭcaŭ, niezadavolenych novymi taryfami kampanii.
Litaralna za dziesiać chvilin da pačatku zabastoŭki da «Čyžoŭka-Areny» padjechali 60 mašyn, ciaham nastupnych 30 chvilin — jašče 20.
Kiraŭnictva słužby na schodzie nie było.
Zvalnieńni, pierapracoŭki i «źlićcio» zamoŭ — raźbirajemsia, čym niezadavolenyja minskija taksisty
Kiroŭcy abmierkavali situacyju z padvyšeńniem i panižeńniem taryfaŭ i toje, što jany apynulisia ŭ najbolšym projhryšy. Taksisty chočuć, kab kiraŭnictva kampanii ich pačuła i źmienšyła sumu fiksavanaha zboru za kožnuju pajezdku (ciapier heta 1,3 rubla).
Paśla 40-chvilinnaha abmierkavańnia kiroŭcy vyrašyli skłaści kalektyŭny list kiraŭnictvu i abrać dziesiać čałaviek, jakija hety zvarot paśla pieradaduć.
Taksisty zapeŭnivajuć, što kali ich buduć ihnaravać, jany praciahnuć zabastoŭku.
Praz hadzinu paśla pačatku schodu da «Čyžoŭka-Areny» padjechali supracoŭniki milicyi. Pacikavilisia, što adbyvajecca i zafiksavali numary ŭsich zabastoŭščykaŭ.
* * *
Pryčyna zabastoŭki ŭ tym, što słužba taksi 135 spačatku padvysiła taryfy dla pasažyraŭ i adnačasova — fiksavany zbor za kožnuju zamovu ŭ kiroŭcaŭ. A paśla — źniziła košt pajezdki dla klijentaŭ, ale z taksistaŭ praciahvaje brać stolki ž, pa 1,3 rubla za zamovu.
Kiroŭcy aburajucca, što z takoj taksaj zarobak za miesiac vychodzić časam mienšy za 1000 rubloŭ.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary