Zdareńnie adbyłosia na vybarčym učastku №27.
Žurnalist «Biełsata» Andrej Kozieł vioŭ žyvuju tranślacyju z učastka. U vyniku jaho zatrymali. Zatrymlivali jaho čatyry čałavieki.
Jak paviedamlajuć śviedki, pry zatrymańni hałavoj žurnalista raźbili šklanyja dźviery, tamu jon mocna paciarpieŭ.
Spačatku jaho dastavili ŭ Centralny RUUS stalicy. Jamu inkryminujuć napad na milicyjantaŭ. Kalehi-žurnalisty sabralisia kala RUUS.
Zatym žoncy paviedamili, što jaho pavieźli ŭ CIP na vulicy Akreścina.
18 lutaha ŭ Biełarusi adbylisia miascovyja vybary. Jak i na ŭsich papiarednich hałasavańniach, u kamisii nie ŭklučyli nikoha ad apazicyi, niezaležnym naziralnikam nie davali sačyć za padlikam hałasoŭ, a ludziej masava zmušali da daterminovaha hałasavańnia.
0
0
0
0
0
0
