Na sajcie Minharvykankama apublikavanyja aficyjnyja vyniki vybaraŭ u haradski saviet deputataŭ.
Samaj pradstaŭničaj kandydatkaj z ŭsich akruh była lidarka «Havary praŭdu» Taćciana Karatkievič — nahadajem, u 2015 hodzie jana bałatavałasia ŭ prezidenty i, pavodle aficyjnych padlikaŭ, zaniała druhoje miesca. Ciapier ža jana sprabavała trapić u Minharsaviet pa Zasłaŭskaj akruzie №40 akruzie.
Archiŭnaje fota
Učastkovyja kamisii pastavili Karatkievič na treciaje miesca — jana nabrała 9,12%. Heta 1120 hałasoŭ žycharoŭ akruhi. Vyšej za jaje akazaŭsia i biznesmien Chiejfiec i mašynist-kamunist Kačura.
Pa Asanalijeŭskaj akruzie №15 bałatavaŭsia Dzianis Cichanienka, pamočnik deputatki Hanny Kanapackaj. Jamu kamisii naličyli 1,4% padtrymki i pastavili na apošniaje miesca siarod piaci kankurentaŭ. Zhodna z pratakołami, za Cichanienku prahałasavali tolki 166 čałaviek.
Siarod viadomych apazicyjanieraŭ na inšych akruhach možna ŭzhadać Siarhieja Skrabca (2,7%; 347 hałasoŭ; apošniaje miesca).
Aproč taho, pa adnoj akruzie spaborničali lidar Ruchu «Za Svabodu» Juraś Hubarevič (4,6%; 522 hałasy; treciaje miesca) i namieśnik staršyni partyi «Spraviadlivy śviet» Valeryj Uchnaloŭ (0,9%; 104 hałasy; piataje miesca).
Naziralniki pryznali vybary niedemakratyčnymi.
