Biełaruski łyžnik Siarhiej Dalidovič vystaviŭ na dabračynny aŭkcyjon alimpijskija akulary ź Lilechamiera i smartfon z Pchiončchana. Tarhi pačalisia na placoŭcy abjavaŭ «Kufar» 28 lutaha ŭ 11.00 i praciahnucca da 17:00 13 sakavika. Atrymanyja ad prodažu łotaŭ hrošy buduć pieradadzienyja vychavancam Andrejeŭskaha dziciačaha doma kala Oršy, rodnaha horada spartsmiena.
![](http://nnexpictures.fra1.digitaloceanspaces.com/img/w732d4webp1/photos/z_2018_02/000028_b0c4d69dee72f0bb4325824200542bfd_570380-nvi86.jpg.webp)
Smartfony z alimpijskimi kolcami na korpusie byli vypuščanyja abmiežavanaj sieryjaj dla ŭdzielnikaŭ Hulniaŭ u Pchiončchanie. U śviecie takich telefonaŭ usiaho 4 tysiačy.
Dla Siarhieja Dalidoviča Alimpijada ŭ Pchiončchanie stała siomaj ŭ spartyŭnaj karjery. Najlepšaha vyniku jon damohsia ŭ 2014 hodzie ŭ Sočy, dzie zaniaŭ piataje miesca ŭ honcy z masavaha startu na 50 km.
«Kab paŭdzielničać u aŭkcyjonie, treba zajści na «Kufar», ubić u radok pošuku chešteh #OlimpijskijePodarki, znajści patrebny łot i ŭ paviedamleńni adpravić svaju staŭku aŭtaru abjavy. Pry hetym novaja cana pavinna być jak minimum na 5 rubloŭ vyšejšaj za tuju, što paznačana na staroncy.
Kamientary