Šunievič pra spravu Baranoviča: Usie, chto budzie kidacca baranić, buduć i dalej atrymlivać
Cyvilnuju vopratku, «jak elemient maskiroŭki», dla supracoŭnikaŭ milicyi nichto nie admianiaŭ, i napadać na takich milicyjanieraŭ nikomu nie dazvolena. Tak ministr unutranych spraŭ Ihar Šunievič prakamientavaŭ Jeŭraradyjo sud nad hramadskim aktyvistam Śviatasłavam Baranovičam, jakoha vinavaciać u hvałcie ŭ dačynieńni da supracoŭnikaŭ milicyi.
Šunievič: «Usie, chto budzie kidacca baranić, buduć i dalej atrymlivać. Tolki tak. Hramadski paradak nieparušny i niedatykalny. I hramadzianie, jakija žadajuć, pavinny dapamahać navodzić paradak, a nie pieraškadžać pracy milicyi. Tamu pamyłka ŭ abjekcie - heta jaho asabistaja prablema i trahiedyja. My navodzim paradak usimi dastupnymi zakonnymi mietadami, a apieratyŭnuju pracu nichto nie admianiaŭ, cyvilnuju vopratku, jak elemient maskiroŭki, taksama nichto nie admianiaŭ. Tamu budziem pracavać, jak i raniej. Ale, pavyšajučy svoj prafiesijanalizm i ŭličvajučy hety vypadak, u tym liku».
Nahadajem, paśla «Marša niedarmajedaŭ» viasnoj 2017 hoda milicyjanty ŭ cyvilnym pačali žorstka zatrymlivać anarchistaŭ, udzielnikaŭ šeścia. Śviatasłaŭ Baranovič kinuŭsia baranić maładzionaŭ ad nieviadomych napadnikaŭ. Ciapier jaho vinavaciać u hvałcie ŭ dačynieńni da supracoŭnikaŭ milicyi. Na sudzie prakuror Sierhijenka paprasiła dla aktyvista čatyry hady źniavoleńnia. 28 lutaha pavinny byli abviaścić prysud, ale pasiadžeńnie było pieraniesienaje na 12 sakavika.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?21
Kamientary