Raskryta sprava padpału vienhierskich kulturnickich ustanoŭ va Ukrainie, pra jaki niadaŭna pisała «Naša Niva». Vyjaviłasia, što padpalščykami byli hramadzianie Polščy z prarasijskaha pravaradykalnaha tavarystva «Fałanha», što ŭjechali va Ukrainu z terytoryi Słavakii.
Ahienctva ŭnutranaj biaśpieki Polščy zatrymała palakaŭ, jakija padazrajucca ŭ padpale budynka abłasnoha ofisa arhanizacyi zakarpackich vienhraŭ KMKS.
Polskaja śpiecsłužba zatrymała troch čałaviek u suviazi sa sprobaj padpału Sajuza vienhraŭ u pačatku lutaha.
Zatrymańnie adbyłosia 21 i 22 lutaha ŭ supracoŭnictvie z ukrainskim bokam.
U dačynieńni da dvuch padazravanych było pryniata rašeńnie ab trochmiesiacovym aryšcie, a za trecim zatrymanym ŭstanoŭlena palicejskaje nazirańnie.
Raniej paviedamlałasia, što 4 lutaha padpał sprabavali ździejśnić dvoje asob: Adryjan Marhleŭski ŭ i Tomaš Rafał Šymkaviak. Polskija ŚMI taksama pryvodziać imia treciaha zatrymanaha polskaj śpiecsłužbaj — Michał P.
Nahadajem, 4 lutaha złamyśniki kinuli butelku z zapalnaj sumieśsiu ŭ akno budynka Sajuza vienhraŭ.
Paźniej kiraŭnik Zakarpackaj abłasnoj dziaržadministracyi Hienadź Maskal zajaviŭ, što sprobu padpału ździejśnili dvoje hramadzian Polščy, siabry pravaradykalnaj arhanizacyi «Fałanha».
«Fałanha» aktyŭna padtrymlivaje palityku Uładzimira Pucina, a jaje siabry ŭdzielničajuć va ŭzbrojenym kanflikcie na baku tak zvanych «DNR» i «ŁNR».
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?21
Kamientary