Vynajdzieny novy sposab atrymańnia enierhii — praz vahańni tempieratury pavietra
Kamanda z Masačusieckaha technałahičnaha instytuta (MIT) vynajšła novy sposab atrymańnia elektraenierhii, jaki praduhledžvaje vykarystańnie naturalnych vahańniaŭ tempieratury pavietra padčas sutačnaha cykła.
Ustanoŭka nazvanaja termalnym rezanataram.
«My stvaryli pieršy termalny rezanatar, jaki moža lažać na stale i hienieravać enierhiju z taho, što zdajecca ničym. My pastajanna akružany tempieraturnymi vahańniami raznastajnych častot. I heta niavykarystanaja krynica enierhii», — kaža adzin z aŭtaraŭ pracy, prafiesar chimičnaj inžynieryi Majkł Strana.
Vychadnaja mahutnaść novaj sistemy pakul ścipłaja, ale pieravaha ciepłavoha rezanatara zaklučajecca ŭ tym, što jamu nie patrebnaje soniečnaje śviatło, jon hienieruje enierhiju sa źmienaŭ tempieratury navakolnaha asiarodździa navat u cieni. Heta aznačaje, što, u adroźnieńnie ad soniečnych panelaŭ, na jaho nie ŭpłyvaje vobłačnaść, a ŭ adroźnieńnie ad vietrakoŭ — nie maje značeńnia chutkaść vietru.
Pratatyp pryłady pravioŭ niekalki miesiacaŭ na dachu budynka MIT i vykarystoŭvaŭsia dla dokazu mahčymaściej technałohii. Termalny rezanatar — heta čornaja skrynia sprava na fota. Taksama tut prysutničaje sistema manitorynhu nadvorja (biełaja) i nabor abstalavańnia dla adsočvańnia pradukcyjnaści sistemy (čorny płastykavy čamadan źleva).
Było prademanstravana, što termičny rezanatar pa svaich ułaścivaściach utraja bolš efiektyŭny za raniej vynajdzieny piraelektryčny materyjał anałahičnych habarytaŭ, jaki taksama pieraŭtvaraje tempieraturnyja vahańni ŭ elektryčnaść.
Dla stvareńnia svajoj pryłady navukoŭcy vykarystoŭvali miednuju i nikielevuju pienu, hrafien, aktadekan.
Uzor materyjału pakazaŭ, što ŭ adkaz na roźnicu tempieratur ŭ 10°S nočču i dniom, malusieńki ŭzor materyjału vyrabiŭ 350 milivolt elektryčnaha patencyjału i 1,3 milivata enierhii.
Novaja technałohija moža być vykarystanaja ŭ hibrydnaj sistemie, jakaja, abjadnaŭšy niekalki šlachoŭ dla vytvorčaści enierhii, mahła b pracavać navat u vypadku zboju asobnych kampanientaŭ. Taksama takija małamahutnyja, ale daŭhaviečnyja krynicy enierhii mohuć vykarystoŭvacca dla siłkavańnia elemientaŭ pasadačnych modulaŭ abo płanietachodaŭ, jakija daśledujuć addalenyja rajony kosmasu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary