Hanna Kanapackaja źbirajecca vyłučyć svaju kandydaturu na pasadu staršyni Abjadnanaj hramadzianskaj partyi. Pra heta apazicyjnaja kandydatka Pałaty pradstaŭnikoŭ paviedamiła ŭ sacsietkach. Novyja vybary ŭ partyi, mahčyma, projduć hetym letam.
U svajoj zajavie Kanapackaja zajaviła, što kiraŭnictva AHP znachodzicca ŭ sistemnym kryzisie. Jak prykład, jana spasyłajecca na niadaŭnija miascovyja vybary. «Tolki 4,72% kandydataŭ u deputaty minułaj vybarčaj kampanii źjaŭlalisia siabrami palityčnych partyj, i tolki 0,32% ad AHP. Heta ŭsiaho 71 partyjec. Miascovyja vybary, jakija źjaŭlajucca samymi prostymi, na jakich atrymlivajuć vopyt novyja čalcy partyi, abkatvajucca novyja mietady palityčnaj baraćby i jaje technałohii, jakija źjaŭlajucca padrychtoŭčaj placoŭkaj da parłamienckich i prezidenckich vybaraŭ, pravalenyja», — kanstatuje palityk.
Kanapackaja ličyć pamyłkaj partyjnaha kiraŭnictva toje, što AHP «zamaroziła» supracoŭnictva ź joj paśla stvareńnia hramadzianskaj kampanii «Napierad, Biełaruś!».
«Takija dziejańni kiraŭnictva AHP nanosiać značny ŭron reputacyi i imidžu partyi, na što ja jak lidar i adzin z najstarejšych siabroŭ arhanizacyi nie mahu nie źviartać uvahu. Hłyboki sistemny kryzis u partyi, jaki pryvioŭ i da inšych niehatyŭnych nastupstvaŭ u AHP za niekalki minułych hadoŭ, patrabuje terminovaha vyrašeńnia, što pryviadzie, biezumoŭna, u tym liku i da źmieny kiraŭnictva arhanizacyi na bližejšym źjeździe», — zajaŭlaje Kanapackaja.
Z hetaj pryčyny jana vyrašyła vystavić svaju kandydaturu na pasadu staršyni AHP. Kanapackaja abiacaje pradstavić prahramu vychadu AHP z kryzisu, u jakim jana apynułasia, i abviaščaje pra farmavańnie kamandy svaich prychilnikaŭ-adnapartyjcaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary