23 lutaha zatrymali padazravanaha ŭ hučnym zabojstvie. Małady chłopiec kinuŭsia z nažom na siamiejnuju paru prosta na vulicy Kobryna. Ciažarnaja žančyna zahinuła, jaje muž — vyžyŭ.
Na dadzieny momant viadoma, što padazravany — 19-hadovy student čaćviortaha kursa Kobrynskaha dziaržaŭnaha politechničnaha kaledža, rodam ź Pinska. Zatrymali maładoha čałavieka ŭ internacie navučalnaj ustanovy, piša tut.by.
U intervju telekanału ANT aficyjny pradstaŭnik UUS Bresckaha abłvykankama Siarhiej Dučenka adznačyŭ, što «počyrk złačynstva kazaŭ pra toje, što złačyniec staranna rychtavaŭsia».
«Miesca ździajśnieńnia złačynstva było abrana nievypadkova. Heta biaźludnaja vulica biez aśviatleńnia. Tym samym złačyniec raźličvaŭ na toje, što hramadzianie, jakija atrymali cialesnyja paškodžańni, nie zmohuć svoječasova paviedamić u milicyju abo źviarnucca pa dapamohu», — raspavioŭ Siarhiej Dučienko.
Matyŭ złačynstva ŭsio jašče vyśviatlajecca. Pa adnoj ź viersij, padazravany pajšoŭ na złačynstva pa ideałahičnych mierkavańniach.
Zahinułaja žančyna — hramadzianka Ukrainy, jaje muž — hramadzianin Biełarusi. Ale viadoma, što jany byli cyhany i viali zvyčajny ład žyćcia: žyli ŭ kvatery, mieli pracu.
U repartažy ANT ahučvałasia infarmacyja, što na ciele chłopca byli «šmatlikija tatuiroŭki ŭ vyhladzie svastyki». U hutarcy z karespandentam tut.by znajomyja zatrymanaha hetuju infarmacyju nie paćvierdzili. Pa ich słovach, na ciele chłopca sapraŭdy była tatuiroŭka, ale nie svastyka, a znak «kałaŭrat» na pieradpleččy.
«Jamu padabajecca pahanstva i ŭsio, što ź im źviazana», — paviedamiła krynica tut.by.
U kaledžy padazravanaha charaktaryzujuć stanoŭča. Jak paviedamiła namieśnik dyrektara pa vučebna-vychavaŭčaj pracy Alena Navumčyk, u chłopca nie było prablem ni z vučobaj, ni z pavodzinami. Infarmacyi ab tym, što padazravany byŭ u jakich-niebudź niefarmalnych moładzievych tusoŭkach, u administracyi navučalnaj ustanovy niama.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary