27 lutaha Viciebski abłasny sud pryhavaryŭ 33-hadovaha ŭradženca Navapołacka Antona Pucikava, jaki, miarkujučy pa jaho staroncy ŭ sacsietcy, adnosić siabie da skinchedaŭ, da troch hadoŭ pazbaŭleńnia voli. Padrabiaznaści suda apublikavali «Narodnyja naviny Viciebska».
Mužčyna ŭžo nieadnarazova sudzimy: pieršy raz jaho pryciahnuli da kryminalnaj adkaznaści ŭ 2010 hodzie za kradziež, zatym znoŭ byli kradziažy, a apošni raz jon trapiŭ pad sud u žniŭni 2017 hoda za kiravańnie ŭ pjanym vyhladzie.
Ciapier Antona Pucikava abvinavačvali ŭ raspalvańni rasavaj varožaści i raspaŭsiud parnahrafii: jon raźmiaściŭ na svajoj staroncy ŭ sacsietcy šerah videarolikaŭ adpaviednaha źmiestu — u asnoŭnym rasisckaj nakiravanaści.
Sudździa Dzianis Hubanaŭ pryznaŭ Pucikava vinavatym u naŭmysnych dziejańniach, nakiravanych na raspalvańnie rasavaj, nacyjanalnaj, relihijnaj i sacyjalnaj varožaści i na padstavie častki 1 artykuła 130 KK pryhavaryŭ da pazbaŭleńnia voli na dva z pałovaj hady. Akramia taho, jon pryznany vinavatym u raspaŭsiudzie parnahrafičnych materyjałaŭ z vykarystańniem hłabalnaj kampjutarnaj sietki Internet i na padstavie častki 2 artykuła 343 KK prysudžany da pazbaŭleńnia voli na dva hady i čatyry miesiacy.
Z ulikam pakarańnia za kiravańnie ŭ pjanym vyhladzie, pryznačanaha sudom Połacka i Połackaha rajona, sud prysudziŭ Antona Pucikava da troch hadoŭ pazbaŭleńnia voli ŭ kałonii strohaha režymu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary