Z-za «sibirskich marazoŭ», jakija pačalisia ŭ Jeŭropie z 23 lutaha, zahinuŭ ŭžo pa mienšaj miery 41 čałaviek, paviedamlaje Mižnarodnaje radyjo Francyi.
Ź minułaj piatnicy čatyry čałavieki źmierźli ŭ Francyi, 18 — u Polščy, šeść — u Čechii, piać — u Litvie, čatyry — u Słavakii, dva ŭ Italii i dva ŭ Rumynii. Taksama, pa dadzienych ahienctva, siem čałaviek zahinuli z-za marazoŭ u Estonii z pačatku lutaha.
U Francyi noč z aŭtorka na sieradu była samaj chałodnaj za ŭsiu zimu. Na paŭnočnym zachadzie krainy, u Miecie, słupok termomietra apuściŭsia da -12 ° S. U Centralnaj i Uschodniaj Jeŭropie tempieratura nabližałasia da -20 ° S. Rekordnyja marazy taksama pryjšli ŭ Šviejcaryju, -36 ° S — u miastečku Hłatałp, u harach.
U Irłandyi i Vialikabrytanii čakajecca samaja mocnaja zavirucha z 1982 hoda, žychary niekatorych haradoŭ užo pačali rabić zapasy chleba. A žychary Amsterdama spadziajucca pakatacca na kańkach pa zamierzłych kanałach u bližejšyja vychodnyja.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary