Dvuchpaviarchovy ciahnik Minsk — Vilnia Litoŭskaj čyhunki siońnia złamaŭsia nieŭzabavie paśla vyjezdu ź Minska. Pra heta TUT.BY raspaviała pasažyrka ciahnika.
— Siońnia sieli ŭ pryhožy dvuchpaviarchovy ciahnik, u 10.35 jon adpraviŭsia ź Minska. Chvilin praz 15 ciahnik staŭ prytarmažvać, potym zusim spyniŭsia. Prajšła pravadnica i paviedamiła, što ciahnik złamaŭsia, abodva pavierchi abiastočanyja.
Surazmoŭnica raspaviadaje, što na miescy ciahnik prastajaŭ dźvie hadziny.
— Nam patłumačyli, što niama elektryčnaści — dźviery zabłakavanyja, zastalisia adkrytymi tolki tyja, što ŭ pieršym vahonie. Usie abjavy pravadnica i mašynist rabili nie pa hučnaj suviazi, bo jana taksama nie pracavała. Za dźvie hadziny biez aciapleńnia paśpieli padmierznuć — ciahnik chutka astyŭ, na vulicy niemaleńki minus.
Potym pa pasažyraŭ pryjechała inšaja elektryčka.
— Pa-mojmu, heta byŭ «Štadler». Na im i dajechali da Vilni. Pasažyraŭ było da sta čałaviek, prykładna tryccać ź ich śpiašalisia na samalot. Litoŭcy małajcy — u Vilni chutka prapuścili praz pašpartny kantrol ŭsich, kamu treba było lacieć i na aŭtobusie pavieźli ŭ aeraport.
Pa słovach pasažyrki, jany pryjechali ŭ Vilniu prykładna ŭ 14 hadzin, zamiest 12.30 pa raskładzie.
Pavodle infarmacyi nieaficyjnaj hrupy BČ va «Ukantakcie», ciahnik nie zmoh praciahnuć ruch tak jak z-za niaspraŭnaści kantaktnaj sietki złamaŭsia adziny tokapryjomnik.
Sa Ždanovičaŭ elektraciahnik pryciahnuli ciepłavozam ŭ Maładziečna dla likvidacyi pałomki.
Łukašenka: U 2020 hodzie kala Pałaca Niezaležnaści nie pakistancy biehali20
Kamientary