Kiroŭca, jaki ździejśniŭ u Baranavickim rajonie śmiarotnaje DTZ i źbieh ź miesca avaryi, uziaty pad vartu, paviedamlaje BiełTA.
Trahiedyja na darozie N275 adbyłasia 21 lutaha kala 19.00 niepadalok ad vioski Lasnaja. Pavodle papiaredniaj infarmacyi, 31-hadovy žychar vioski Vialikija Łuki, znachodziačysia ŭ stanie ałkaholnaha apjanieńnia za rulom aŭtamabila «Reno», nie spraviŭsia z kiravańniem, źjechaŭ u kiuviet i ŭrezaŭsia ŭ dreva. Paśla hetaha mužčyna ŭciok ź miesca DTZ. U mašynie zastalisia jaho 12-hadovaja dačka i adnahodak-adnaviaskoviec, jakija ad atrymanych cialesnych paškodžańniaŭ pamierli na miescy zdareńnia.
Vinavaty byŭ apieratyŭna zatrymany supracoŭnikami milicyi. Miedycynski ahlad vyjaviŭ u jaho 2,1 pramile ałkaholu ŭ kryvi. Ustanoŭlena, što ŭ 2012 hodzie jon byŭ pazbaŭleny paśviedčańnia kiroŭcy za kiravańnie transpartnym srodkam u stanie apjanieńnia.
Kamientary