Prahramist ź Niderłandaŭ Arkajc Haro raspracavaŭ sistemu raspaznańnia mordy kata, piša Motherboard.
Sistema pracuje ŭ niekalki etapaŭ: jana zasiakaje jaki-niebudź ruch kala ŭvachodnych dźviarej doma Haro, dalej śpiecyjalny datčyk aktyvuje kamieru i jana fatahrafuje toje, što adbyvajecca.
Zdymak adrazu ž adpraŭlajecca na vobłačnuju płatformu raspaznańnia malunkaŭ, dzie aŭtamatyčna paraŭnoŭvajecca z papiarednie zahružanymi fatahrafijami Bobisa.
Kali prahrama bačyć supadzieńnie, haspadar chaty atrymlivaje apaviaščeńnie na mabilny z tekstam «Adčyni dźviery!».
Usia sprava ŭ tym, što da Haro časta prychodzić susiedski kot Bobis. Jon prychodzić da jaho doma ŭžo niekalki hadoŭ. Spačatku prahramist dumaŭ, što kot biazdomny, ale zatym vyśviatliŭ, što žyvioła naležyć susiedu.
«U Bobisa vypracavaŭsia niejki asablivy raskład naviedvańnia našaha doma. Tak što nam z žonkaj zachaciełasia viedać, kali jon znoŭ pryjšoŭ i čakaje, kab my jamu adčynili», — raspaviadaje Hary.
Sistema dapamahaje adroźnić Bobisa ad inšych žyvioł, jakija časam prabiahajuć mima doma prahramista.
Stvareńnie sistemy zaniało ŭ raspracoŭščyka ŭsiaho niekalki hadzin i abyšłosia ŭ $50.
Pavodle jaho słoŭ, kali padčas zdymki fatahrafii Bobis hladzić u kamieru, to sistema paznaje kata amal u 100% vypadkaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary