Arhanizatary amierykanskaj antypremii «Załataja malina» nazvali najhoršy film 2017 hoda. Im staŭ «Emodzi film» režysiora Toni Leondysa, što vynikaje z rolika, apublikavanaha na YouTube-kanale premii. Karcina atrymała antynahradu za najhoršy scenar, a Leondys byŭ nazvany najhoršym režysioram, piša Lenta.ru.
«Emodzi film» raspaviadaje pra pryhody smajlikaŭ ŭnutry smartfona, jaki jany ličać sapraŭdnym Suśvietam.
Na zvańnie najhoršaha filmu minułaha hoda taksama pretendavali «Vyratavalniki Malibu», «Na piaćdziesiat adcieńniaŭ ciamniej», «Transformiery: apošni rycar» i «Mumija».
Vykanaŭcam najhoršaj mužčynskaj roli pryznali Toma Kruza ŭ filmie «Mumija», najhoršaj aktrysaj — Tajler Pery, jakaja vykanała žanočuju rolu ŭ «Chełoŭinie Medei 2».
